Pêl-Droed Penigamp: Campau Campus

Gan / By Robin Bennett | Lluniau gan / Illustrations by Matt Cherry | Addasiad gan / Translation by Elinor Wyn Reynolds
Cyhoeddi Medi 2022 / Publishing September 2022 | ISBN 9781915444233

Pêl-droed Penigamp yw’r ail lyfr yn y gyfres Campau Campus. Efallai mai’r disgrifiad gorau ohonyn nhw yw math o Horrible Histories neu Hanesion Hyll ar gyfer camp sydd â nifer anhygoel o gefnogwyr iddi.

Bydd y gyfrol ar gael ym mis Medi 2022, mewn pryd ar gyfer Cwpan y Byd FIFA ym mis Tachwedd.

Mae’r gyfrol yn dechrau gyda hanes pêl-droed, mae’n disgrifio safleoedd y chwaraewyr, dyfodol y gêm gan gynnwys y cynnydd yn y gêm i fenywod a phwysigrwydd amrywiaeth, ynghyd ag adran ar sgiliau a thriciau.

Bydd gan y gyfrol apêl i gefnogwyr pêl-droed selog, eu rhieni (a’u neiniau a’u teidiau) ond hefyd i ddarllenwyr ifanc sy’n mwynhau darllen pethau difyr, sy’n hoffi darllen pytiau yma ac acw, ac yn union fel y gêm ei hun, bydd y llyfr hwn yn rhywbeth i’w rannu gyda ffrindiau.

Mae Pêl-droed Penigamp yn llyfr i’r tîm cyfan.

Hefyd yn y gyfres Campau Campus: Rygbi Rhempus

Prynwch y fersiwn Saesneg yma / Buy the English version here